ناس بيسألونى ويقولوى انت مالك محدش شافك بقالك مده انا اسف يا جماعه بس غيبتى دى كانت للبلوه اللى انا بدرس فيها عندنا روند رمد بناخد الرمد فى شهرين وبعدين مش هاخد رمد تانى لحد ماموت الا لو ناويت ابقى دكتور رمد مش عارف بتوع اسنان بياخدوا طب الاسنان فى خمس سنين واحنا بناخد رمد فى شهرين وانف واذن فى شهر منه لله اللى قالى ادخل طبانا المفروض اذاكر كتاب 400 صفحه فى شهر ونص وامتحن فيه وانجح واجيب تقدير اعذرونى يا جماعه انا عامل معسكر مغلق فى بيتنا عشان اذاكر الهم اللى عليا وان شاء الله راجع على العيد فى موضوع كده هكلمك فيه اول يوم العيد فكروا بقى وشوفوا انا هكلمك فى ايه المهم انه موضوع انا شايف انه مهم ولازم نتكلم فيه يلا بقى حلوا الفزوره دى لحد مارجعلكم واكلمك فى الموضوع اللى انا عايز اكلمك فيه وانا بالمره الحق اذاكرلى 200صفحه كده فى ساعتين ادعوووووووووووولى
زلابيــة بلدنــا هــدوق وتـقــول هاتـولى دكتــووووووور
مواقع بتابعها
مدونات بحب ازورها
Blog Archive
5 comments:
ربنا معااااااااااااااااااااااك
يا دكتور
بجد انا حاسة بكم المعاناة اللي بتعانيها
شد حيلك انت بس في راوند الرمد عشان مصر كلها تبقي لابسة نضارات بعد كده
خلاص يا عم متزقش بهزر معاك
ربنا معاك بجد
وترجع بالسلامة للمدونة
شكرا يا نورى انتى بجد اللى كرمانى ورافعه من روحى المعنويه
ربنا يكرمك
وتخلص ال 200 صفحة فى ساعة مش ساعتين
واحنا كلنا بندعى لك
يعنى لا تنسانا فى حتة كحكة او بسكوتة
كل اللى يجى منك حلو
ربنا يوفقك يا رب
ربنا معاك الحمد لله انا ناوية على هندسة
أول مرة أدخل البلوج اللذيذ ده
و مش حتكون الأخيرة بصيت على كذا بوست كلهم حلوين و الأسلوب في الكتابة رائع جداً
كمان حاطط لوجو النادي الأهلي يعني أنا
حفضل لازقة هنا على طول
بما إنك من إسكندرية يبئ خد المسج ده :
لاول مرة بالاسكندرية : دعوة لكل مواطن ولكل مدون حر ملتقي الدفاع عن سجناء الراي وحقوق الانسان تجمع المدونين الطامحين في وطن عربي بدون سجين رأي واحد بحضور نخبة من الصحفين والسياسين والمدونين موعدنا : الجمعة 19 / 10 الساعه 5 بنادي المحامين بجليم الاسكندرية
و كل عام و أنتم بخير
بس متقولش عليا بحرض على عصيان الحكومة ولا حاجة أنا لصة زوغيرة
و خايفة على مستكبلي إن كان باين لى مستكبل ولا حاجة
سشكرا لصاحبة مدونة تحت العشرين وان شاء الله هحضر فى نادى المحامين ومتخافيش احنا مش بنعمل حاجه غلط دى حرية رأى واللى عنده حاجه يقولها الحكومه بنفسها هى اللى بتقولنا كده صح ولا صح
Post a Comment